Set hloh mah se Alacaraz a chak

US Open-ah seeded no. 2 Carlos Alcaraz chuan nimin zing khan Jaime Faria lakah set hmasa ber 4-6 in hloh mah se 6-0, 6-3, 6-2 in hnehna a chang ta tho.

Champion lai Alcaraz hi ban rek hliam vangin hun rei tak a chawl a, US Open atan match fitness a nei ṭha tawk lo. World number 72 Faria lakah Alacaraz hian bul ṭan ṭha lo mah se a theihna tak a pho chhuak.

Grand Slam vawi sarih champion tawh Alcaraz chuan, "Inkhel harsa tak a ni a, first set-ah khan nuam ti viau mah ila, rilru ka pe tawk lo a, ka tawrh phah. Second set aṭang kha chuan a ṭha zawngin ka thlir a, chu chuan rah ṭha a thlen," tiin inkhel chungchang a sawi.

Alcaraz hian vawiin hian Chinese player Wu Yibing a hmachhawn ang. Spanish player el tur ber Alexander Zverev pawhin second round a lut tawh a, German player hian tukin hian Quentin Halys a hmachhawn dawn.