Salah bula khelh duh Richarlison

Tottenham Hotspur midfielder Richarlison chuan Mohamed Salah khelh mekna, Turkish Super Lig club Trabzonspor zawm a duh a, mahse, Tottenham chuan an player lei tuma Turkish club dawrna chu an lo hnar.

Tun nipui transfer-a che na tak Spurs hian tun hnaia Manchester City aṭangin Omar Marmoush chu loan-in an hawh a, Richarlison tan khelhna hmun a tlem sawt dawn tih a chiang - a khelh tam theihna tur pan a duh.

Trabzonspor hian Spurs hi a vawi khat nan, pound maktaduai 15-in an dawr phawt a, hnar a nih hnuah £20mtd-in an dawr nawn. Mahse, London club hian Turkish club dawrna hi an hnar ve ve a, Trabzonspor hian an la dawr leh a rinawm.

Richarlison hian Spurs-ah hian kar khatah £90,000 a hlawh mek nia sawi a ni a, Turkish club hian kar khata £270,000 vel hlawhtir an inhuam - Turkey-ah hian vawiin thlengin transfer bazar hawn a ni a, Richarlison hi chhuak thei reng a la ni.