Swiss company-ah ka thawk dawn - Monfils

Tennis player mipui lawm hlawh ber zinga mi Gael Monfils chuan nimin zing khan US Open second round-ah seeed no. 14 Learner Tien chu 3-6, 4-6, 3-6 in a hneh lo. Kum 40 mi Monfils hian tun season tawp rualin tennis khelh a chawlhsan dawn a, US Open hi Grand Slam hnuhnung ber a ni ang.

Monfils chuan, "Nakumah chuan bung thar ka kai tawh dawn a, finance lam ka khawih dawn. Swiss company-ah contract ka ziak tawh a, wealth management lam ka buaipui ang. Office hna thawk dawn tawh mah ila, tennis erawh ka hmangaih a, ka nupui Elina Svitolina-i'n a la khel reng. Chuvangin Svitolina bulah chuan ka la awm tam dawn a, tennis erawh ka hlat deuh tawh dawn," tiin a sawi.

Kum 40 mi Monfils tan kum 20 mi Tien a ṭha mah mah a, mah se inkhel entuten French player hnathawh tawh an hria. Roger Federer, Rafael Nadal, Novak Djokovic leh Andy Murray te vanglai hunah Monfils hi player ṭha zinga mi a ni phak a, US Open buatsaihtute pawhin a hnathawh hriain inkhelh zawhah thilpek an pe.