Rybakina, Gauff leh Andreeva te an chak

US Open hmeichhe singles-ah seeded no. 2 Elena Rybakina, no. 4 Coco Gauff leh no. 5 Mirra Andreeva ten an khingpui ṭheuh hnehin second round an paltlang. Third round hi tukin zing aṭanga khelh ṭan tur a ni a, Rybakina hian Ukranian nula Yuliia Starodubtseva a hmachhawn dawn a, Gauff vs Cristina Bucsa leh Andreeva vs Nikola Bartunkova te inkhel hmuh tur a awm bawk ang.

Rybakina hian nimin zing khan Jessica Bouzas Maneiro chu 6-2, 6-4 in an hneh a, chak turin harsatna a tawk lo. Kazakhstani player Rybakina hi world no. 2 a ni a, US Open-a a chet ṭhat dan a zirin no. 1 ni thei dinhmunah a ding.

Andreeva pawhin German nula Eva Lys chu 6-0, 6-2 in a sawp. Gauff erawhin awlsam takin second round a paltlang lo a, Paula Badosa chu 6-4, 7-6 (7-5) in an hneh. Nizan khan seeded number 1 Aryna Sabalenka a inlan a, result kan hre hman lo.