Seeded no. 1 Zverev a chak hram

US Open-ah seeded no. 1 Alexander Zverev-a'n first round-a hnehna chang turin set nga a mamawh a, second round-ah pawh set nga tho a mamawh. German tennis player Zverev hian nimin zing khan French player Quentin Halys chu 6-4, 4-6, 7-6 (7-3), 6-7 (3-7), 6-3 in a hneh hram.

Zverev hian chak turin darkar riat, minute sarih leh second 32 a mamawh a, a vawi hnih nan New York hunah zing dar 2:00 thleng an inkhel a, third round lut turin tha a seng tam hle.

Inkhelh banah Zverev chuan, "A tawpah chuan chak dan ni loin chak hi a pawimawh ber. Darkar li leh a chanve chuang kan inkhel a, zing dar 2:14 a ni leh tawh. Hetianga rei tak kan inkhelh theih nan gym kan kal a, training kan nei alawm," tiin a êng zawngin a thlir thung. Seeded no. 1 hian third round-ah zanin hian seeded no. 25 Alejandro Tabilo a hmachhawn ang.