Zverev a chak nuam sa ve ta

US Open-ah seeded number 1 Alexander Zverev-a'n harsa taka first round leh second round a paltlang hnuin third round-ah Alejandro Tabilo chu straight set (6-2, 7-6(2), 6-2) in an hneh. Zanin hian last 16-ah seeded no. 21 Luciano Darderi a hmachhawn ang.

Zverev hian kumin French Open-ah khan nomawi a chawi a, a vawi khat nan Grand Slam-ah a champion. Wimbledon final lut leh mah se final-ah Jannik Sinner a hneh lo. Tun ṭumah hian hliam vangin Sinner a tel lo a, Zverev tan champion-na hun ṭha a ni.

Kum 29 mi Zverev hian match hmasa berah Lorenzo Sonego a hneh hram a, match hnihnaah pawh seeded ni pha lo Quentin Halys hneh turin set nga bawk a mamawh. Match hnihah hian darkar li leh a chanve a hmang tling ve ve a, Chilean player hneh turin darkar hnih leh minute 26 chauh a mamawh.

Zverev hmachhawn leh tur kum 22 mi Darderi hi world ranking-ah 22-na a ni mek. Player pahnih hi vawi hnih an inhmachhawn tawh a, vawi khat ve ve an chak. An intawn hnuhnun berah Darderi hi a chak a, German player Zverev tan fimkhur a ṭul ang.