Andreeva-in record nei ṭha chho zel

US Open third round-ah Mirra Andreeva chuan Inrinni zan khan Czech player Nikola Bartunkova chuan 6-2, 7-6 (7-5) a hnehin fourth round a lut. Russian nula Andreeva hian last 16-ah seeded no. 24 Anastasia Potapova a hmachhawn ang.

Kum 19 mi chauh ni mah se Mirra hian kumin khan French Open-ah a champion a, US Open-ah a vawi khat nan fourth round a thlen avangin Grand Slam paliah fourth round a lut vek tawh.

Kuminah Mirra hian match 43-ah hnehna a chang tawh a, inrintawkna a nei chho zel. Andreeva chuan, "Nikola Bartunkova ka hmachhawn khan coach-in double fault ka hlau tih a hria a, khatiang hlauhna ka neih khan zalen takin ka khel thei lo. Hetianga a thim zawnga ka thlir hian theihtawp chhuahin ka bei let a, ka paltlang theih avangin ka lawm. Tawnhriat ka ngah zel ang a, ka buaina pawh a reh ve zel ang," tiin a sawi.