Manchester City: Khelh tawh zat 3 - Chak tawh zat 3

Pep Guardiola awm tawh lo mah se, Manchester City an talbuai phah lo. Enzo Maresca enkawl team hian Inrinni zan khan Coventry City chu 1-0 in an hneh leh ta a, goal khungtu pawh a ngai bawk a ni. Ni e, a ngai bawk kan tih chuan Erling Haaland sawina a ni e.

City hian tun season-a league match thum an khelhah hnehna an la chang vek a, Bournemouth (2-1), Crystal Palace (4-1) leh Coventry City (1-0) an hneh ta. Maresca tan bul ṭan dan duhthusam a ni - Thawhlehni zanah FC Porto lenchilhin, Champions League season bul an ṭan zui ang.

Hetihlai hian kai thar Coventry City erawhin season ṭantirh aṭangin relegation zone an melh nghal deuh run a ni ber! Frank Lampard enkawl team hi league match thum an khelh tawhah an la tlawm vek a, point an la hmu lo.

Samah a ni lo!

Erling Haaland-a'n an league match hmasa berah goal a khung lo a, sam zuah ṭhin Norwegian striker hian season ṭan hmain a lu a met a, a sam thar nena a match hmasa berah goal a khung tlat lo.

Mahse, Haaland-a chakna chu a samah ni loin a thluak leh a keah zawk a bet a, league match hnuhnung pahnih aṭangin goal thum a khung leh ta - Palace laka goal hnih a khung hnuah, Coventry lakah goal a khung.

Haaland hian minute 26-naah Antoine Semenyo-a ball thlawh chu chiang zetin, kawh pawtin a tauh lut a, Erling Haaland-a goal khung niawm renga mawi a ni.

City an hmuhnawm

Haaland hian goal khung hma viau mah se, goal a khung hma hian chance a nei daih tawh a, mahse, a vanneih zan ni se, hattrick a siam hial ang. Rayan Cherki pawhin chance duhawm a nei a, mahse, goal post a tihper.

Hetihlai hian City goalkeeper Gianluigi Donnarumma pawh hna nei loin a awm bik lo. Italian keeper hian Jack Rudoni, Loum Tchaouna leh substitute Ellis Simms te khung ngei tur nia lang chu ṭha takin a dansak.

Coventry tan Taiwo Awoniyi pawhin chance duhawm a nei a, 0-0 a nih laiin Nigerian striker hian Semenyo ball pass sual vangin City barakhaihna remchang nei mah se, uiawm takin a pet out.

Enzo telna City

Transfer tawp niah, Enzo Fernandez-a'n Chelsea chhuahsanin City a pan a, pound maktaduai 125 man midfielder tan Coventry City hmachhawn hi la hma hretin lang mah se, warm up laia Nico O'Reilly inhliam vangin bul a ṭan.

Argentina midfielder-in City tana a match hmasa berah a khel chhe lo - City goal hmasa berah a inrawlh a, Cherki tana a siamsak chu French midfielder-in a khung lo a, goal-ah vawi hnih a shot bawk. Minute 76-naah amah ang thoa Blues player thar Ayyoub Bouaddi chuan a thlak.

City tan £60mtd man Iliman Ndiaye-a'n bul ṭan nghalin, Senegal forward a hmuhnawm thlawt a, Enzo Maresca hnuaia bul ṭan zel turin theihna a nei tih kan hmu- City an ṭha tual tual e!