300 club = Erling Haaland

Manchester City striker Erling Haaland-a'n goal khat a khung leh chiah khan, a club career-a goal 300 a khung tlinna chiah a ni a, Molde, Red Bull Salzburg, Borussia Dortmund leh Manchester City tana a goal khung zat belhkhawm chu goal 300 tihna a ni.

Haaland-a'n goal 300 khung tling tur hian match 384 chiah a mamawh a, Lionel Messi a la tluk lo cheu! Argentine player ropui Messi hian a club career-a goal 300 khung tling turin match 365 khelh a mamawh.

Hetihlai hian Haaland hian Real Madrid striker Kylian Mbappe leh Portugal captain Cristiano Ronaldo erawh a khum. Mbappe hian club goal 300 khung turin match 398 chiah a mamawh a, Ronaldo-a'n goal 300 khung turin match 499 a mamawh thung.

Haaland hian Molde tan match 50-ah goal 20 khungin, Salzburg tan match 27-ah goal 29 a khung a, Dortmund tan khan match 89-ah goal 86 a khung - City tan match 202 khel tawhin, goal 165 a khung hem mai!