Sangtea a chak zel

Mizo professional boxer hmasa ber Lalrinsanga Tlau chuan January 26 khan Bangalore-a Pro Boxing event-ah Mallika Arjun a hneh a, Khawruhlian tlangval hian professional fight vawi hnih a hmachhawnah hnehna a chang ve ve.

Kum 20 mi Sangtea hian Mallika Arjun hi first round-ah a knockout nghal a, February 1 hian Mumbai-ah Rakesh Lobchab a hmachhawn ang. Featherweight (57kg ) ah  Rakesh hian vawi ruk hnehna a chang tawh a, Sete Academy hnuaia inzir Sangtea tan fiahna ṭha tak a ni thei ang. Sangtea hian professional fight a hmachhawn hmasak berah Digari Mahesh chu nikum September thla khan Delhi-a Mega Boxing event-ah a hneh tawh a ni.