Nico O'Reilly chawl rih dawn

Manchester City player pawimawh, Inrinni zana an inkhelh hmaa warm-up naa inhliam, Nico O'Reilly chuan club training a la zawm rih lo a, a chawlh rih a ngai dawn niin a lang.

Kum 21 mi fullback hi Coventry City nen an inkhelh hma khan a inhliam a, a aiah player lakluh thar Enzo Fernandez chuan inkhel bul a ṭan. Team training-ah O'Reilly hmel hmuh tur a awm lo zui a, zaninah pawh a la inlan dawn lo niin a lang.

Manchester City hian zanin dar 12:30-ah tun season-a an Premier League match hmasa ber an khel dawn a, Portuguese club ṭha FC Porto chu khualmualah an lenchilh dawn a ni.

City player zingah Jeremy Doku pawhin hliam vangin training a la nei thei lo a, hetihrual hian Palmeiras aṭanga lakluh thar Allan chuan club training a zawm tawh. Pound maktaduai 34.2 man hi City tana a match hmasa ber khel turin a inpeih tawh.

Manchester khaw club hian Pep Guardiola awm loh hnuah beisei aia ṭhain season bul an ṭan a, Enzo Maresca kaihhruaina hnuaiah league match thum khel tawhin, hnehna an la chang vek.

Champions League lamah fiahna an hmachhawn leh dawn a, Maresca-a'n European football-a City a kaihhruai hmasak berah hnehna chan loh a duh dawn lo.

Francesco Farioli enkawl Porto hian tun season-ah league match nga khel tawhin, an la chak vek a, an inrintawk vanglai takin City an mikhual dawn - mahni muala tlawm an duh lo ang.