Alcaraz hmaa ding tur Ben Shelton

US Open-ah seeded no. 2 Carlos Alcaraz-a'n a theihna tak a pholang ṭan a, quarterfinal lut turin seeded no. 20 Tommy Paul chu 6-4, 6-3, 6-4 in a hneh. Spanish tennis star hian hliam vangin French Open leh Wimbledon khel thei lo mah se US Open-ah match khelh tlem vangin a buai lo.

September 9, Nilaini zing hian Alcaraz hian khawtual tlangval Ben Shelton nen quarterfinal-ah an inhmachhawn dawn a, fiahna hautak a ni thei ang. Seeded no. 8 Shelton hian quarterfinal lut turin tawnhriat nei ṭha Stefanos Tsitsipas chu 6-2, 6-3, 6-4 in a hneh.

Round of 16 inkhel dangah seeeded no. 11 Frances Tiafoe leh seeded ni pha lo Alex Michelsen ten hnehna an chang ve bawk. Quarterfinal hi zanin aṭanga khelh ṭan tur a ni.