Townsend tan Sabalenka ṭha mah mah

US Open hmeichhe singles-ah vawi hnih champion tawh Aryna Sabalenka chuan Pathianni zan khan Taylor Townsend chu 6-4, 6-4 a hnehin quarterfinal a lut. Sabalenka hian US Open-ah a zawnin vawi ruk quarterfinal a lut a, Serena Williams record a nihrual.

Sabalenka hi nuam sa taka chak angin lang mah se set hnihnaah 3-1 in a hnufual hman a, mah se chesual loin a tho chhuak leh ta tho. Belarusian nula hi US Open-ah kum zawnin a champion a, vawi 18 chhung a chak zawn tawh.

Kum 28 mi Sabalenka hian zanin hian quarterfinal-ah Linda Noskova a hmachhawn dawn. Seeded parukna Noskova hian seeded no. 11-na Marta Kostyuk chu 7-5, 5-7, 6-4 in a hneh. Hmeichhe singles round of 16 inkhel dangah seeded no. 3 Jessica Pegula leh seeded no. 26 Emma Navarro ten hnehna an chang ve bawk.