Juventus lakah Milan chak zo lo

Pathianni zan Serie A-ah Juventus leh AC Milan te inkhelin chak zawk an awm lo a, Ruben Amorim-a enkawl Milan chuan an goal neih sa an hun zawh loh avangin 1-1 in an inhnehtawk.

Allianz Stadium-a inkhelah team pahnihte an inhlauh tawn avangin chungnung zawk an awm lo a, chance an insiam hnem tawk loh avangin first half-ah goal hmuh tur a awm lo.

Second half-ah an insiam ṭha hret a, minute 68-naah Milan tan Alphadjo Cisse-a'n an hmahruaina goal a khung. Juve-in an siphurh sut tumin an nawr a, goal erawh an khung thei lawk lo.

Mahse beidawng loa an beihna rah an hmu a, injury time-ah defender Federico Gatti-a'n tauh lutin an siphurh a sut. Inkhel a tawp zui ngal avangin team pahnihte point khatah an lungawi a ṭul.

Turin club tan Newcastle United aṭanga an hawh Nick Woltemade chu second half-ah luhtir a ni a, German forward hi khel chhe lo mah se goal erawh a keng tel lo. Milan player thar zingah Diego Moreira leh Goncalo Ramos ten inkhel bul an ṭan bawk.