Aizawl FC leh goal nga

Star Cement MPL13-ah Aizawl FC-in match li an khel tawh a, an chak vek vek bakah goal nga an khung vek. Vawiin chawhnu dar 2:30 hian coach R. Lalruatfela hote hian Dinthar FC an hmachhawn dawn a, goal nga an khung leh thei ang em tih hi zawhna awm chu a ni.

Aizawl FC hi team angin an ṭha a, kil tin aṭangin goal an khung thei bawk. Khawbel tlangval Zomuansanga chu danglamna thlentu a ni a, Dinthar tan pawh dan a harsa dawn. Chutihrualin Dinthar hian MPL champion lai Chanmari FC an hneh zo chiah a, an phur lai tak a ni ve bawk.

Laldampuia kaihhruai Dinthar hian goal nga chhuah an duh dawn lo a, Aizawl FC laka hnehna a chan emaw point hlawhchhuah an tum ang.