Zheng Qinwen-i'n Swiatek a barakhaih

US Open round of 16-ah Chinese player Zheng Qinwen chuan seeded no. 8 Iga Światek a barakhaih a, Arthur Ashe Stadium-ah 7-5, 6-3 in hnehna a chang.

Kum 23 mi Zheng Qinwen chuan, "Thil tam tak ka zir belh a, tennis chauh ni loin keimah bikah pawh thil ka zir belh nasa. Ka tana harsa ber chu inngaitlawm taka awm a, theithawp chhuah beih hi a ni. Tunah chuan world no. 125 ka ni a, tun hmaa top 10 ang kha ka ni lo, tiin ka infuih ṭhin. A bul ṭhut aṭangin theihtawp ka chhuah a ni," tiin a sawi.

Zheng hi a thlen san lai berin world no. 4 a ni a, tunah erawh world no. 121 a ni mek. Tun dinhmun ranking thlirin a dinhmun hniam deuh mah se theihna sang tak a nei tih a lang a, quaterfinal-a a hmachhawn tur erawh Elena Rybakina a ni dawn.

Ryabakina hi seeded no. 2 a ni ringawt lo a, tun hi world no. 1 Aryna Sabalenka nen an inhnaih lai tak niin world no. 1 nih theihna hun ṭha a nei mek. Quarterfinal lut turin Ryabakina hian Naomi Osaka chu 6-1, 6-4 in an hneh a, Zheng lakah pawh chak tura rinkai zawk a ni ang.