Andreeva khingpui tur Gauff

US Open quarterfinal-ah seeded no. 4 Coco Gauff leh seeded no. 5 Mirra Andreeva te zanin dar 9:00 velah hian an inhmachhawn dawn a, quarterfinal inkhel tur palia en châkawm ber a ni hial ang. Andreeva hian US Open-a vawi khat nan quarterfinal a thleng a, Gauff erawh kum 2023 khan a champion tawh thung.

Thawhṭanni zan khan Andreeva hian Louis Armstrong Stadium-ah seeded 24-na Anastasia Potapova a hmachhawn a, an inkhel tawk hle. Austrian nula Potapova-i'n set hmasa ber 7-5 in la mah se Andreeva hian set hnuhnung pahnih 6-4 leh 6-3 in a la.

Potapova a vanduai a, set tawp berah hian inhliam mah se a khel tluan ta tho. Chutihrualin Andreeva tan hun chhinchhiahtlak a ni a, kum 19 mi lek ni chungin Grand Slam quarterfinal vawi nga thlenna a ni a, kum 2026-ah vawi 44 a chakna chiah a ni bawk.

Andreeva khingpui tur Coco Gauff hian seeded no. 14 Iva Jovic chu 6-1, 6-4 in an hneh thung. Seeded no. 4 Gauff hian kum 2023 hnuah US Open-ah quarterfinal a lut leh chiah a, Jovic hi kuminah vawi hnih a hneh. Tun ṭum hi Grand Slam vawi 12 quarterfinal a lutna a ni a, kumina vawi 45 a chakna a ni.

Player pahnih hi vawi nga an inhmachhawn tawh a, American nula Gauff hian hnehna a chang vek. Seeded number thlir pawhin player pahnih an intluk tawk a, khawtual nula Gauff buk a rit hret ang.