Premier League club-in Sancho dawr?

Jadon Sancho chu Premier League zingah duhtu an awm a, indawrna an nei mek nia sawi a awm. English winger dawrtu hi tarlan ni lo mah se Sancho-a'n club thar a neih dawn hnai.

Kum 26 mi Sancho hi season hmasa tawp rual khan Manchester United-a a contract a tawp ve nghal a, transfer window inkhar tawh mah se free agent a nih avangin la lut duh an awm a nih chuan an lut thei.

Manchester City winger hlui hi winger hlui hi Turkish Super Lig, Saudi Pro League leh UAE Pro League aṭang pawhin sawmna a dawng a, mahse tun thlengin club thar a la nei lo.

A team hlui Borussia Dortmund pawhin Sancho hi lak luh leh an duh tih an lo tilang tawh a, Bundesliga club-ah hian a ngheta a khelh lai leh loan-a a khelh hnuah pawh a chet ṭhat avangin a pan thut thei tho.

Dortmund hian tun nipui transfer-a an lak luh Giannis Konstantelias chu hliam vangin rei tak an chhawr thei dawn lo a, Arsenal aṭangin Ethan Nwaneri chu loan-in an la tawh mah se Sancho an la awt reng.

Sancho hian season liam ta khan Aston Villa-ah loan-in hun a hmang a, Europa League-ah champion mah se match 39 a inlanah aṭangin goal hnih chiah a khung a, a khel ṭha tawk lo hle.

Hetihlai hian Sancho hi a hlawh tam tak leh a khelh dan inphu lo avangin club tam takin an la lut ngam lo a, Chelsea tan pawha khel tawh winger hian a hlawh tihhnuiam a inhuam a nih loh chuan an inbiakna tlawlh leh mai a rinawm.