Baggies an chelh ding

Premier League hnuai chiaha awm Championship chanchin a ngaihnawm zel a, hmahruaitu West Brom chuan Inrinni zan khan hnehna an chang zo lo. 

Baggies hian anmahni ang thoa season thara Premier League khelh tum Nottingham Forest an mikhual a, vawi hnih ngawt hmahruaituah an ṭang chungin si phurh an sut tir zel rah an seng a, 2-2 in an ṭin. 

West Brom tana Callum Robinson goal hmahruai chu defender Kyle Bartley chuan mahni lama ti lut palin Forest tan a sutsak a, Forest defender Tobias Figueiredo chuan an lamah ti lut ve lehin 2-1 a ni!

Mahse, hun pek belh minute khatnaah Matty Cash chuan Forest tan goal ṭha zet hmangin si phurh a rawn sut zo a, team pahnihin point an insem a ṭul phah. 

Baggies-in hnehna an chan zawh loh laiin an elpui Leeds United erawhin hnehna an chang a, Bristol City defender hlui Luke Ayling chuan a club hlui lakah goal khungin Leeds hi 1-0 in hnehna a chanpui a ni. 

West Brom-in table chung ber an luah chhunzawm a, an hnuai chiaha awm Leeds United nena an inkar erawh point li chauh a ni ta thung - Fulham, Brentford leh Forest ten beisei an la nei reng a, a la 'hot' 

dawn chauh.