Zaninah Pro Fight chhunzawm dawn

Mizoram Labour Link LPS Pro Fight 2026 chu zaninah a zan thumna neih a ni dawn a, bout 12 a awm dawn. Zanin inhnek turah flyweight an tam ber dawn a, inhnek pali a awm dawn. Bantam leh lightweight-ah inhnek pathum ve ve awmin welterweight-ah inhnek pahnih hmangin a tawp an khar ang.

Inelna hi zanin thlengin a hmunah en man a awm dawn lo a, naktuk zan aṭangin Rs 50-in ticket lei a ngai tawh dawn. LPS Youtube channel-ah member tan en theih a ni bawk a, member nih man hi Rs 179 chauh a ni.

Kumina a vawi khat nan Mizoram pawn boxer a inlan dawn a, Churachandpur, Manipur boxer Onminlen chu 10-naah a inlan dawn. Onminlen hian Chakhei boxer S Beikhaizachhi a hmachhawn dawn a, Mizoram leh Manipur inelna anga ngaih theih a nih avangin inhnek boruak a nung ang.

Pro Fight vawi 12-naah hian kum 17 atanga 40 inkar, a duh apiang tel theih a nih avangin Mizoram chhung aṭangin Mizo bakah hnam dang eng emaw zatin hming an pe lut. Manipur bakah Meghalaya leh Myanmar aṭanga tel tuma inziak lut an awm bawk a, Manipur boxer Onminlen hi hnam dang zinga inhnek hmasa ber tur a nih avangin ngaihven a hlawh ang.