Pro Fight: Zan khatna aṭangin a 'hot' nghal

Mizoram Labour Link LPS Pro Fight 2026 chu, Thawhlehni zan aang khan LPS Arena Falkland-ah ṭan a ni a, zan khatnaah hian inelna an lai velin ruah sur mah se mipuiin an en loh phah lo.

Zan khatna hi dar 8:00-ah ṭan a ni a, an hun a thlen hmain mipuiin gallery-a ṭhutna an luah khat titih der a, mipuiin Pro Fight vawi hnihna an hlut hle.Bout khatna aṭanga inhnekten ṭawiawmtu an nei ṭha a, anmahni khua leh veng aṭangin au phurtu an nei vek.

Bout hnuhnung berah a ṭan zana 'main event' tia chhal ngam en tur a awm a, comedian search pawha boruak nei lian Lalremthanga Hmar a inlan a, ṭawiawmtu a nei ha fal hle. Remthanga khingpui Khawkawn tlangval Khamsuana pawhin ṭantu a ngah takzet.

Inhnek hmuhnawm leh inhnehtawk takah Remthanga a dingchang zawk a, Sakawrdai boxer hian second round-ah technical knockout hmangin hnehna a chang.

Zan khatnaah hian 'Fighter of the Night'-ah N Lalhruaizela (Ṭawipui South) chu thlan a ni a, Lightweight-ah Israel Thangliana (R Vanhne) chu a khingpui tur Raymond Lalenkawla (Melriat) a kal loh avangin 'walk over'-in a chak a, boxer dang an inlan vek thung.