Harsa takin Newcastle an chak

Nilaini zan League Cup third round khelhah Newcastle United chuan 1-0 in Millwall an hneh hram a, Magpies goal awmchhun hi minute 81-naa Joe Willock-a khung a ni.

The Den-a inkhelh mualneitu Millwall beisei phak baka ṭhain an khel a, Newcastle-in ball chang hnem zawk mah se an hlau bik lo a, ball an chan chhunah an nawr ngam tlat.

Magpies pawh chance nei lo tawp an ni bik lo a, Fabian Schar, leh Sven Botman ten an hun ṭha neih an chhawr ṭangkai thei lo. Second half-ah Lions (Millwall sawina) an hlauhawm zual a, an vanneih zan ni se goal thum tal khung thei tur an ni.

Mahse a tawpah Magpies an vannei ta zawk a, ven loha awm Lewis Hall-a cross chu Willock-a'n an chakna goal atan a khung. Millwall-in hun tawp thlenga goal an khung theih loh avangin 1-0 in an tlawm.

Matthias Jaissle-a naute hi chak mah se, player ṭha rual lut chunga Millwall lakah harsa taka an chak avangin insiamṭhat an ngai nasa hle.

Inkhel dangah Bournemouth, Bradford City, Sunderland leh Crystal Palace ten hnehna an chang vek a, Premier League club zingah Hull City chiah chak lo awmchhun niin Tigers (Hull sawina) hian Sunderland 1-0 in an ngam lo.