Sixers-in Dillon Jones la lut

Philadelphia 76ers chuan an squad thuam chak nan New York Knicks aṭangin Dillon Jones an la lut a, Jones hian Sixers-a kum khat awm turin 'Exhibit 10 contract' a ziak.

Kum 24 mi Jones hi 2024 khan Washington Wizards chuan draft-ah an thlang a, mahse Wizards hian New York Knicks-ah kaltir leh nghalin, a aiah Kyshawn George an la ve thung.

Knicks-a a awm lai hian Oklahoma City Thunder tan a khel zeuh hman a, nikuma Indiana Pacers hneha an champion ṭum khan an tel ve. Season liam ta khan Knicks tan inlanin a champion-pui leh a, a kum zawnin a champion.

American forward hi Knicks champion team-ah tel mah se match sarih chiah a inlan a, vawi khat mah bul a ṭan lo bawk. Hmun a chan hnem theihna tur zawngin Sixers a pan.

Sixers hian Dean Wade, Anfernee Simons, Jaylen Brown leh LeBron James te an lo la lut tawh a, Exhibit 10 contract hmang thoin feet sarih leh inches ruka sang Tacko Fall leh Jameer Nelson Jr te an lo la lut tawh bawk.

Eastern Conference team hi an champion hnuhnung ber chu 1983 daih tawh kha a ni a, kum 40 hnua a vawi khat nan LeBron James-a hoin champion leh an tum dawn.