Dintharin Ramthar Veng an hneh

Star Cement MPL13-ah Dinthar FC-in Inrinni tlai khan Ramthar Veng FC 1-0 in an hneh a, point thum hlu tak hlawh chhuakin pasarihna aṭangin pathumnaah an invawrhchho. Maimawms hi Chanmari nen an point hmuh zat a inang a, head to head-ah an ṭhat zawk avangin an hmelma Chanmarians chungah an awm.

Ramthar Vengin player 10-a khel chungin Chanmari chelh thei mah se Dinthar lakah point an hlawh chhuak thei lo. Maimawms tan Laltluangliana a che ṭha a, minute 40-naah Republic Veng tlangval Laltluangliana cross ṭha zet chu Ramthar Veng defender Eddie Lalhmangaihzuala'n an lamah tlawh lut.

Ramthar Vengin tawnhriat nei ṭha MS Dawngliana awm loh an tuar a, Dinthar lakah goal an khung theih miau loh avangin point an hlawh chhuak zo lo. Coach HC Zarzoliana hoten point ruk an hmu a, pasarihnaah awm mah se pariatna aiin pathumna an hnaih zawk avangin semifinal khelh an la beisei ngam ang.