NE Bodybuilding & Physique C'ship-ah Thingsulthliah tlangval Jeremy-a'n gold a la

2nd NorthEast Bodybuilding & Physique Championship chu September 12, 2026 khan Kohima, Nagaland-ah neih a ni a, Thingsulthliah tlangval Jeremy Lallawmzuala'n 80 kg above-ah gold a la. Vaivakawn tlangval Lalhmangaihzuala'n 65kg-ah bronze a la bawk.

Capital Cultural Hall, Kohima-a inelna neihah hian Sikkim aṭanga tel Asish Limboo chuan Champion of Champions 2026 a la a, inelnaah hian India hmarchhak state pariat aṭangin bodybuilders leh fitness athletes 69 an tel. Mizoram aṭangin player paruk an kal a, team enkawltute hi Lalsangzuala (manager), C. Malsawmtluanga (asst manager), John Zorammuana (coach) leh C. Lalruatfela (asst coach) te an ni.