Zaninah Pro Fight chhunzawm dawn

Mizoram Labour Link LPS Pro Fight 2026 zan rukna chu zanin hian LPS Arena, Falkland-ah chhunzawm a ni leh dawn a, inhnek 12 en tur a awm leh dawn.

Flyweight, bantamweight leh lightweight-ah inhnek pathum ṭeuh a awm dawn a, welterweight inhnek pahnih awmin middleweight-ah inhnek pakhat a awm dawn bawk.

Zanina 'main event' tur erawh Lalremthanga Hmar a ni leh dawn a, Sakawrdai boxer hi Ratu rawlthar Malsawmtluanga nen an inhmachhawn dawn a, mipuiin Remthanga inhnek en châkin LPS Arena an pan khawm leh ang.

Comedian Search-ah pawh boruak nei lian Remthanga hian, match hmasa berah Khamsuana chu technical knockout hmangin a hneh tawh a, ni ruk chhung inbuatsaihna hun a neih bawk avangin Malsawmtluanga tan zuam chi a ni dawn lo.

Ni ruk a awl hnuah hruihrual chhungah Lalremthanga Hmar a lut leh dawn a, Thawhṭanni zan LPS Pro Fight-ah Ratu rawlthar Malsawmtluanga nen an an inhnek dawn.

Kum 30 mi Remthanga hian tun hma pawhin Pro Fight-ah sulhnu a lo nei tawh a, a hmaa ding tur Malsawmtluanga erawh kum 18 mi chauh niin a vawi khat telna tur a ni thung.

A hmuna en tur tan ticket pakhat Rs 50-a lei a ngai a, LPS 1 leh LPS YouTube channel-ah member tan en theih a ni bawk. YouTube member nih man hi Rs 179 chauh a ni.