Ligue 1 hmahruaitu Monaco an tawlhthlu

Inrinni zan Ligue 1 inkhelah Monaco chuan an mikhualna ramah 1-1 in Strasbourg an inhnehtawkpui a, hmahruaitu nih chhunzawm mah se Rennes an chak ve bawk avangin an point hmuh zat a inang.

Monaco defender Sadibou Sane chuan minute 52-naah an lamah a tilut palh a, Paris Brunner-a'n minute 71-naah sut leh hramin point khat hlu tak a hlawhchhuahpui.

Kum 20 mi Brunner hian tun season-ah goal thum a khung tling ta chiah a, Monaco innghahna ni mekin a khelh ṭhat chhoh chuan Germany-in an koh vat a rinawm.

Inkhel dangah Rennes chuan 1-0 in Marseille an hneh a, Paris St-Germain an insiamṭhat tawh bawk avangin an Monaco tan chetsual a pawi thei tawh ang.