Milan chhanhimtu Diego Moreira

AC Milan-in nipui laia an lak luh Diego Moreira chuan Inrinni zan khan goal khungin a club thar chu an mualphona tur ata a chhanhim. Milan hi an mikhualna ramah Lazio nen 2-2 in an inhnehtawk.

Stadio Olimpico-a inkhelah mualneitu-in Matteo Cancellieri leh Tijjani Noslin hmangin first half-ah hma an hruai nghal a, Milan-in an tlawm ni an tawng dawn niin a lang hman.

Mahse second half-ah Ruben Amorim-a'n Pervis Estupinan aiah Moreira a luhtir a, Belgian full back hian inkhel a thlak danglam nghain minute 65-na leh 67-naah goal khungin an siphurh a sut zo.

Milan hi chak zo lo mah se an khel ṭha a, goal hnihin hnufual mah se an beidawng lo a, an player thar Moreira-a'n goal a khung bawk avangin Amorim-a tan lawm lohna tur a awm lo.