Tihsual ka ngah deuh a ni - Shelton

US Open 2026 final-ah Ben Shelton vanduai deuh mah se major final a khelh hmasak ber a ni a, tun inelna a hmachhawn dan thlirin a career-ah Grand Slam nomawi a chawi theih ngei a rinawm hle. Wimbledon-ah khan first round-ah qualifier paltlang Finnish Otto Virtanen a hneh lo a, US Open-ah erawh pahnihna a ni pha hial.

Shelton-a final kalkawng pawh hi a nuam sa lo. US Open hmain world number 3 chin a la hneh ngai lo a, quarterfinal-ah seeded no. 2 Carlos Alcaraz a hneh a, final-ah erawh seeded no. 1 Zverev lakah hnehna a chang thei lo. Semifinal-ah seeded 11 Frances Tiafoe a hneh bakah round of 16-ah world no. 3 pawh lo ni tawh Stefanos Tsitsipas a hneh a, tun ṭuma thlen chin hi a ropui hle.

American tennis player hi a defensive skills a ṭha a, mah se final-a hun pawimawhah forehand ṭhatna a hmang chhuak thei lo a, Zverev laka a chak lohna chhanah a ngaih theih. Shelton chuan, "Ka hmasawnnaah ka lawm a, mah se tun ṭuma ka chak loh erawh a na ka ti takzet. Ka kuta engkim a awm hnuah tihsual ka ngah deuh a ni," tiin a sawi.