Semifinal-ah Dinthar nge MLS?

Star Cement MPL13-ah vawiin tlai dar 3:00 hian Lawngtlai club MLS FC leh Dinthar FC te RG Stadium, Mualpuiah an inkhel dawn. Round 7 a nih tawh avangin club tin vawi khat ṭheuh an inkhel chhuak chiah dawn a, team dinhmun a hriatthiam theih ṭan ang.

Aizawl FC-in semifinal an luh mai hmel a, Chanmari FC squad a chhah avangin semifinal khel ngei tura ngaih an ni. Mizoram Police hian season bul an ṭan ṭhat bakah tawnhriat an neih ṭhat bawk avangin a sang palia an awmna chance a sang a, a chianga ngaih tur erawh an ni bik lo. Tuna a lan dan chuan MPL13-ah Dinthar leh MLS te pahnih semifinal hmun ruak awmin a lang lo a, pakhat tan zawk erawh a awm tura ngaih a ni. Chuvangin vawiin tlai inkhel tur hi round 7 chauh la ni mah se semifinal khel tur zawnna tia sawi theih a ni tlat.