PSG tan Torres a vul

Ligue 1 champion lai Paris St-Germain chuan Pathianni zan khan, an mikhualna ramah Brest chu 1-0 in an hneh a, Paris club tan an forward thar Ferran Torres chuan chakna goal a khung.

Spanish forward Torres hian PSG tan match ruk khel tawhin goal nga a khung tawh a, club chet ṭhat tawk loh lai taka goal a khung avangin Luis Enrique-a lakah a tlatlum sawt ang.

PSG hian tun season bul an ṭan ṭha tawk lo a, Brest an hmachhawn hma hian match thum an khelhah point hnih chauh an la hlawh chhuak. Tun season Ligue 1-ah an vawi khat chakna a ni a, Torres nei lo se an mualpho leh a rinawm.

Enrique-a hote hi chak mah se club vantlang lakah goal khat chauh an khung theih avangin insiamṭhat an la mamawh - Ousmane Dembele, Khvicha Kvaratskhelia leh Desire Doue ten ṭan an lak a ngai.