Referee chungah Arteta lawm lo

Premier League champion Arsenal manager Mikel Arteta chu a la lungawi thei lo a, Spanish manager hian Inrinni zana Sunderland laka penalty an chawi chu thil awm lo tak a nih thu sawiin match referee a dem.

Inrinni zan Stadium of Light-a inkhelah Arsenal hian minute 56-naah penalty an chawi a, Gunners defender Ezri Konsa leh Black Cats centre back Dan Ballard ten ball an inchuhna lamah an tlu dun a, referee John Brooks-a'n penalty pein David Raya-a'n a save thung.

Kum 44 mi Arteta chuan, "Ka hmuh dan chuan penalty tur a ni lo. Football-ah hian kum 27/28 vel hun ka lo hmang ve tawh a, khatiang kha penalty tur a ni ngai lo a, a ni ngai bawk lo ang. 'Judo roll' a ang mah zawk," a ti. Spanish manager hi inkhelh laia a chet dan uchuak avangin yellow card a hmu nghe nghe.

Swansea City leh Everton defender hlui Ashley Williams pawhin Arteta hi a ngaihdan a ṭawmpui a, Williams chuan, "Konsa kha Ballard zawkin a kawrah a pawt a, a tlukpui zawk a nih kha, chuvanga Ballard bawh tlu a ni zawk. Referee khan thutlukna a siam sual a ni," a ti.

Inkhelh zawhah erawh London club hi a chak zawk an ni a, Bruno Guimaraes leh Bukayo Saka ten goal khungin hmahruaitu an nih chhunzawm. Arteta nauten champion nawn turin kawng dik an zawh.

Zanin dar 12:30 hian Gunners hian League Cup third round khel turin Ipswich Town an lenchilh dawn a, Arteta-a'n player ṭhenkhat a hahdamtir a nih pawhin a mak lo ang.