Bayern chakna Kane-a record

English forward Harry Kane chuan Pathianni zana SV Elversberg 2-1 a an hneh ṭumin goal a khung a, kum 33 mi Kane-a goal hi an chakna goal a nih bakah Bayern tana a goal 150-na a nih avangin a hlu bik.

Tottenham Hotspur forward hlui hian hetiang zat khung tur hian match 153 chauh a mamawh a, Bundesliga bikah a goal 97-na chiah niin goal 100 a khung tlin vat a rinawm.

Bavarians tan Kane bakah Lennart Karl chuan goal khat a khung ve bawk a, mualneitu Elversberg tan Maurice Krattenmacher-a goal khungin awmzia a nei thui lo.

Vincent Kompany hote hian hnehna an chan avangin table-ah palinaah an chho a, an chungah Augsburg, Borussia Dortmund leh Freiburg te chiah an awm. Anni pali hi season hman mekah chak loh nei lo awmchhun an ni.

An match hnuhnung bera goal khungtu Jamal Musiala chu bench-ah a ṭhu a, minute 64-naah Karl thlakin khelmual chhungah danglamna a siam hman lo. Musiala hi pre season-ah vawi hnih ngawt a tlu a, ngai la awh chiah lo mah se mamawh huna inlan turin a inpeih tawh.