Mizoram Open Chess inelna nei dawn

Mizoram Chess Association (MCA) chuan, an pawl Golden Jubilee lawmna ni pah fawmin, 26th Mizoram Open Chess Championship 2026 chu October thlaah buatsaih an tum thu an sawi a, R. Dengṭhuama Indoor Stadium, Mualpuiah inelna hi neih a ni dawn.

MCA chuan chess tournament-ah hian, Mizoram district hrang hrang aṭangin chess thiamte tel turin an sawm a, inelna hmachhawn tur hian All India Chess Federation (AICF) registration neih a ngai thung.

Mizoram chess inelnaa sum fai tamna berah hian Mizoram pawn aṭang pawhin, chess thiam langsar tak takin tel turin registration an ti tawh a, September 20, tlai dar 5:00 thleng entry fee Rs. 300 pein a inziah luh theih - MCA office-ah emaw senior national arbiter R. Lalawmpuia (phone number: 9862888874) hnenah a inziah luh theih a ni.

Golden Jubilee lawmna hi October 1-3, 2026 inkara neih tur niin, hruaitu hlui leh national level-a lawmman la tawhte chawimawina hun hman tum a ni a, All India Chess Federation president Nitin Narang leh India rama Chess hruaitu hlun tak takten an rawn hmanpui dawn.