Chelsea-in Brentford tlawh dawn

Xabi Alonso enkawl Chelsea-in zanin dar 12:30 hian an hnuai chiaha awm Brentford an lenchilh dawn a, Blues hi paruknaah an awm mekin Bees nen point khat chauhin an inthlauh avangin inkhel hmuhnawm a beisei ngam.

Tun season-ah Chelsea-in goal khung kawngah harsatna tawk lo mah se, a ven kawngah an tawk thung a, league match li an khelh tawhah goal an la chhuah vek. Zaninah pawh chak an duh a nih chuan tlarhnung lam an ngaihthah a thiang dawn lo a, World Cup nomawi chawi tawhtu Emiliano Martinez-a'n pressure a ngah dawn

London club tan Moises Caicedo, Marco Palestra leh Emmanuel Emegha leh Maxence Lacroix te an lo kir theih a rinawm tawh a, Joao Pedro leh Reece James ten training an zawm loh avangin an dinhmun a chiang lo. Mahse Blues hi an squad a chhah avangin hlauthawng tur an ni lo thung.

Hetihlai hian Bees hian chak loh an la nei lo a, vawi khat chak tawhin vawi thum an inhnehtawk tawh. Brazilian forward Igor Thiago leh Kevin Schade te neiin, League Cup-a Reading hneh zo hlim an nih avangin an boruak ṭhat lai a ni a, Blues tan zuam sual an awl ang.