Zanin dar 7:00-ah MPL13 relegation battle

Star Cement MPL13-ah zanin dar 7:00 hian table hnuai lama awm pahnih Saikhamakawn FC leh Kanan FC te an inkhel dawn. KFC hian point hnih chiah la hmu mah se an match hnuhnung pahnihah point an hmu ve ve a, an phur lai tak a ni.

Coach C. Zothan-tluanga (Apuia) kaihhruai Kanan tan inkhel hi a pawimawh lehzual a, SKK hi an chung chiaha awm an ni a, relegate pumpelh turin chak ngei a ṭul dawn. Point khat chauh an hmu a nih chuan table mawngphah chhuahsan a har tawh ang.

Kanan tan MPL13-ah mi pathum chiahin goal an la khung a; Malsawmzela'n (Valpuia) goal hnih khungin Crespo Vanlalhriatpuia leh Malsawmtluanga Hrahsel ten goal khat ve ve an khung. Crespo hian club a chhuahsan tawh a, zaninah Valpuia bakah Vanlaldinpuia leh David Laltlansanga (Avida) te an pawimawh ang.

Saikhamakawnin round 5-ah Kanan hi 2-0 in an hneh tawh a, Vanlalthanga leh C. Malsawmdawngkima ten goal an khung. Mahse, Durtlang Football Stadium-a inkhelah SKK hi goal-ah chiah an chungnung a, inkhelah an chungnung bik lo. Coach H. Lalrindika hote tan Kanan zuam a rem lo ang.