Tlai dar 3-ah CFL champion tur zawnna

Vawiin tlai dar 3:00 hian Barasat Stadium-ah Mohun Bagan leh Mohammedan SC te an inkhel dawn a, heta chak zawk hi Calcutta Football League champion an ni dawn. Chutihrualin an inhnehtawk a nih erawh chuan Bhawanipore FC an champion thei thung.

Mohammedan-ah hian Mizo tlangval pali Lalremsanga, Lalngaihsaka (Ngaihtea), Lalthankima leh Joseph Lalmuanawma te an awm. Bagan lamah Mizo midfielder ṭha Lalengmawia (Apuia) kawl mah se Vaivakawn tlangval hi India tana koh a ni a, Lallianzuala Chhangte erawh CFL bikah chuan an chhawr lo.

CFL-ah hian team 12 an awm a, group pahnihah paruk ve vea ṭhen niin a sang pathum ve vein Super 6 an lut. Super 6 khelte hi Mohun Bagan (4), Mohammedan SC (4), Bhawanipore (3), East Bengal (2), United Sports (2) leh Coal India FC (0) te an ni.

Bagan leh Mohammedan hi an inhnehtawk a nih chuan Bhawanipore tan champion kawng a inhawng zau dawn. A chhan chu Bhawanipore hian point la hmu lo Coal India a hmachhawn dawn a, point thum a hlawh chhuak a nih chuan an champion dawn.