CFL-ah Mohun Bagan an champion

Mohun Bagan chuan Inrinni khan Barasat Stadium-ah Mohammedan SC 3-2 in an hneh a, Calcutta Football League-ah an champion. Bagan hian CFL-ah vawi 31 nomawi an chawi tawh a, an chungah East Bengal (vawi 41) chauh an awm.

Bagan tan Sahal Abdul Samad a che ṭha a, goal hnih khungin Sayan Banerjee-a'n goal khat a khung ve bawk. Mohammedan tan Lalremsanga Fanai leh captain Mahitosh Roy ten khung ve mah se result a danglam phah lo.

Mohammedan-ah hian Mizo tlangval pali Lalremsanga, Lalngaihsaka (Ngaihtea), Lalthankima leh Joseph Lalmuanawma te an awm a, Bagan laka an chak zawh loh avangin CFL nomawi chawi theihna hun ṭha an bawhpelh.