Spurs tan khua a var thei lo

Premier League-ah Tottenham Hotspur-in chak hmel an la hmu lo a, Inrinni zan khan Aston Villa lakah 3-2 in an chak lo. London club hi table-ah 19-naah an awm mek a, nipui bazara sum an hman nem avangin manager Roberto De Zerbi pawhin pressure a ngah phah ang.

Aston Villa tan erawh chanchin lawmawm a ni a, Unai Emery hoten tun season league-ah a vawi khat nan hnehna an chang. Villa player thar leh World Cup-a hming chher Johan Manzambi-a'n first half injury time a khung.

Second half-ah Chelsea aṭanga an lakluh Nicolas Jackson leh midfielder Emiliano Buendia ten an khung belh a, minute 79-naah 3-0 a ni. Spurs ṭantuten an chak dawn lo tih hriain khelmual an chhuahsan a, hun tawp lam boruak sang an hmuh hmaih.

Minute 86-naah Conor Gallagher-a'n goal a khung a, tun season Premier League-a Spurs goal hmasa ber niin injury time-ah Jan Paul van Hecke-a'n a khung leh mah se goal dang hmuh tur a awm tawh lo. Khualmualah Aston Villa 3-2 in an chak.