Veteran Football lawmman SIAL

G90's Mizoram chuan 5th GIG Motor's Veteran Football Tournament 2026 an buatsaih dawn a, lawmman tur hi champion tan nuai khat leh sial a ni ang. Pahnihna lawmman tur pawh Rs 50,000 a ni dawn.

Inelna hi October 19-30, 2026 chhunga buatsaih tur a ni a, Inter Ward (AMC Ward) anga khelh tur a ni ang. Aizawl Municipal Area pawn lam bik tan MLA constituency/khaw bil anga tel theih a ni bawk ang.

G90's chairman HF Lalrinpuia (Rintea) chuan, "Chhungkuaa pa ber an fit ṭhat chuan chhungkua pawh a nuam ṭhin. Ruihlo, zu leh thil dang ti lo tura infuihna ṭha ber chu Pathian thu leh football hi niin a lang. Kan vanglai pelh tawh hnuah pawh kan hriselna kan ngaih pawimawh deuh deuh a pawimawh a, Pathian leh chhungkua kan ngaihsak a pawimawh," tiin Vanglaini a hrilh a, inelna sponsor-tu John Lalpeka chungah lawmthu a sawi bawk.

Veteran Football-a tel tur hian G90's chuan Mizoram hmun hrang hranga mite an sawm a, entry fee leh hriattur kimchang la puanzar leh tur a ni.