Gibbs-White-a'n Palmer thlak dawn

England squad-ah Thomas Tuchel-a'n World Cup-a a tel loh Cole Palmer ko mah se Chelsea midfielder hi a inhliam avangin a inlan thei dawn lo. Nottingham Forest midfielder Gibbs-White chu Palmer thlakna tura ngaih a ni.

England hian tun ṭum international break-ah hian World Cup champion Spain (September 26) bakah Czech Republic (29 September), Croatia (3 October) leh Czech (6 October) te an hmachhawn dawn.

Tun ṭumah hian Tuchel hian World Cup khel tura a koh tel loh Trent Alexander-Arnold pawh a ko tel a, World Cup-a koh zinga a chhawr miah loh Kobbie Mainoo pawh a ko tel. Mahse, Mainoo bakah Marcus Rashford te chu inhliam vang bawkin England team aṭangin an inhnukdawk dawn niin a sawi a awm.

Mainoo hi a tel thei lo a nih chuan Everton midfielder James Garner chu a ai awh tura ngaih a ni.