Pistons-ah Ausar a nghet

Detroit Pistons chuan an forward Ausar Thompson chu kum nga daih contract thar an ziahpui a, Ausar hian a contract tharah hian dollar maktaduai 155 a hlawh dawn niin khawthlang chanchinbute chuan an ziak.

Kum 23 mi Ausar hi 2023 NBA draft-ah khan Pistons chuan an club-a khel turin an thlang a, Pistons tan a tir aṭangin a khel chhe ngai meuh lo. Season hmasa khan 'steal' ngah ber a ni a, Defensive Player of the Year award-ah pathumna a ni bawk.

American forward hian lawmman dawng pha ta chiah lo mah se 'NBA All Defensive First Team'-ah a lang tho a, Eastern Conference-ah a team chu hmahruaitu ni chungin league-a kharpui.

Ausar hi a phirpui Amen Thompson nen NBA draft-a an thlan rual hmasa ber a ni a, a unaupa Amen pawh hi Houston Rockets-a châm zel turin contract thar a lo ziak tawh.

Pistons hian tun nipuiah John Collins leh Isaiah Joe te an la lut tawh a, Milwaukee Bucks aṭangin Taurean Prince leh Gary Harris te an seng lut tawh bawk. Two way contract-in Ugonna Onyenso leh Elijah Harkless te an lak tawh bawk avangin champion an tum ngam ang.