Mourinho a lawm lo

Inkhelh banah Mourinho chu chanchinbu miten an kawmnaah Lee Kang In-a'n Federico Valverde a rah lai leh Romero-a'n Bellingham a titlu lai thlalak phawrh chhuakin, "Press Conference neih hi a ṭul lo, hei hian inkhel chungchang a sawi fiah chiang a ni," a ti.

Portuguese manager chuan, "Heng hi red card chiang lutuk tur a ni a, mahse referee-in engmah a phawr lo. Player kim loa kan khelh hnuah phei kha chuan kan tan thawh leh a harsa tawh a, an theihtawp chhuahtu ka player-te hnem bak tih theih ka nei bik lo.

Coach leh player ten tihsual kan nei ṭhin ang hian an tisual ve anga ngaih mai ka duh a ni. Mahse ka player te lakah lawm lohna tur ka hmu lo a, an laka lungawi lohna tur a awm lo ringawt pawh hi ka tan a nuam," a ti

Hetihlai hian Diego Simeone chuan, "Mourinho dinhmun hi ka hriatthiampui a, mahse Mourinho bakah Hansi Flick leh Manuel Pellegrini pawh ni se kan ṭawngkam chhuak kan uluk tur a ni. Referee, kan thawhpuite leh midangte hi kan zah tur a ni a, chutiang thil i ti lo a nih chuan thil dik lo i ti tihna a ni," a ti ve bawk.