Zidane hnuaiah France-in training an ṭan

FIFA World Cup zawhah Didier Deschamps-a'n France enkawl hna a chawlhsan a, an ram football legend tho Zinedine Zidane-a'n Les Bleus enkawl hna a chhunzawm a, Thawhṭanni aṭang khan training hmasa ber an nei. Deschamps hian kum 14 chhung France a enkawl a, kumin World Cup khan semifinal-ah Spain hneh loin an tla.

Deschamps thlaktu Zidane hian kum 2021-a Real Madrid enkawl hna a chawlhsan hnuah team enkawl a nei leh tawh lo. Kum 54 mi Zidane hi khawvel player ropui ber zinga mi a ni a, team enkawl-ah pawh sulhnu a nei ṭha. Ṭum hnih Real Madrid a enkawl a; La Liga-ah vawi hnih champion tawhin Champions League-ah vawi thum a champion pui bawk.

Nations League-ah France hi Turkiye, Belgium leh Italy te nen awm ho a; September 26, Inrinni zan hian Zidane-a kaihhruai Les Bleus hian khualmualah Turkey an hmachhawn ang.