Arteta-a'n contract thar a pawm

Spanish manager Mikel Arteta chuan Premier League champion Arsenal-in contract thar an zawrh chu a pawm a, contract thar a ziak hnai.

December 2019 khan Arteta hian Arsenal hi a enkawl ṭan a, a contract neih lai hi tun season tawp ruala tawp tur a ni. Indawrna hi hun rei tak an nei tawh a, Gunners hian a tawpah inremna an neihpui.

Contract sei zawng hi hriat la ni lo mah se kum 10 tal Gunners enkawl tura ngaih a ni a, a hlawh pawh nasa taka pung tura sawi a ni. Tunah hian Arteta hian kum khatah £10mtd a hlawh bakah a chet ṭhat dan a zirin £5mtd a dawng thei bawk.

Arsenal hian season liam ta khan Arsene Wenger-a chhuah hnua a vawi khat nan Premier League-ah an champion a, kuminah pawh champion tura rinkai an ni. Mahse, international break hma chiahin Gunners hian Brighton & Hove Albion an hneh lo a, Manchester City hnuaiah an awm mek.