Messi tan hun duhawm bik a ni dawn - Emi Martinez

Argentina-in October 6, Thawhlehni hian Estadio Monumental, Buenos Aires-ah Benin nen friendly match an khel dawn a, ram tana Lionel Messi inlan hnuhnun ber a ni ang.

Emiliano Martinez chuan, "A chawl tawhah ka ngai. Mahse, Argentina ngeia match tawpna ber khelh kha, a duhthusam a ni. A tan hun duhawm bik a nih theih nan theihtawp kan chhuah ang," tiin Chelsea keeper chuan a sawi.

Messi hian Argentina no. 10 chu a tawp nan a rawn ha leh dawn a, Argentina pawhin hemi pual bik jersey hi an ha dawn. Football legend Messi chuan an jersey hak tur hi Instagram-ah a pho chhuak a, comment-ah "Ultimo partido… Una camiseta para toda la vida,” tih a ziak. Mizo ṭawng chuan, "A tawp nan vawi khat leh chiah, damchhung daih tur jersey chu," tihna a ni thei ang.

Kum 39 mi Messi hian Argentina tan match 207 a khel tawh a, goal 125 khungin World Cup final vawi thum a khelh tawhin Golden Ball vawi hnih a dawng tawh a, World Cup nomawi a chawi tawh bawk.