India-in Japan an hneh hram

T20 cricket inelnaah Thawhlehni khan India leh Japan an inkhel a, Men in Blue hi run hnihin an chak hram. Vawi khat chauh khelh tur T20 match-ah hian khaw chhiat vangin over 20 khel loin over nga chauh an khel a, thilmak a thleng teuh hle.

India hian bat hmasain run 34 lek an siam a, wicket li an hloh bawk. Japan tan chak beiseina a awm chho a, Axar Patel-a ball vawm chu umpire-in wide tiin thutlukna a siam sak. Umpire thutluknaah Axar a lawm lo a, captain Shreyas Iyer nen thutlukna an sawisel.

Khelmual chhunga umpire pahnih an inrawn a, umpire-in thutlukna a thlak. Wide ni ta se chuan Japan tan chak turin ball lia run nga chauh siam a ngai dawn a, mah se an sut leh tak avangin ball thumah ruk ruk siam a ngai ta zawk.

Japan-in over 5-ah run 30 siamin wicket thum an hloh a, run hnih chauhin an chak lo. Referee-in a tihsual siamin thutlukna dik a siam zarah India an chak a, thutlukna thlak lo se chuan Japan-in cricket inelnaah India an hneh theih ngei a rinawm hle.