Zanin aṭangin Zidane hun a inṭan dawn

Zinedine Zidane-a'n zanin aṭangin France enkawl hna a ṭan dawn a, Les Bleus hian Nations League-ah zanin dar 12:15 hian Turkiye an hmachhawn dawn. World Cup zawhah Didier Deschamps-a'n manager hna a chawlhsan a, a hmunruak zau tak hi Zidane-a'n hnawh khat a tum ang.

Les Bleus hi group A-ah Turkiye bakah Italy leh Belgium te nen an awm ho a, hmabak a harsa dawn hle. Tun international break-ah Zidane-a hote hian Belgium ṭum hnih an hmachhawn dawn a, Red Devils an hmachhawn karah Italy an hmachhawn dawn bawk.

Zidane hian Manchester United defender Leny Yoro a ko tel a, French defender tan senior team-a inlan theihna hun ṭha nih avangin thu lawmawm a tling. Real Madrid manager hlui hian Manchester City midfielder Rayan Cherki a fak viau bawk.

France manager Zidane chuan, "No. 10 dik tak a ni a, hmun pawimawh laia a finna leh thiamna hmangin a che tla thei a, hetiang ang player hi ka duh a ni," tiin a fak hle.