Practice-ah Russell tlan chak ber

Mercedes driver George Russell chu Azerbaijan Grand Prix, September 27 Pathiannia neih tura an practice-naah pakhatna niin a tlan chak ber a, intlansiak tak tak atan inrintawkna a ngah sawt ang.

Tun season-ah Russell hi vawi hnih chak tawhin podium vawi sarih a lawn tawh a, che chhe lo mah se a teammate Andrea Kimi Antonelli a tluk loh avangin chhuak tur ang hiala sawi a ni hman.

Hetihlai hian kum 19 mi Antonelli erawh practice-ah a che ṭha lo hle a, lap khatna lekah a car keah harsatna a tawh bakah cooling vent a khu chhuak a, panganaah a thleng thei hram.

Red Bull driver Max Verstappen chu pahnihna a ni a, Dutch driver hnungah hian Ferrari driver pahnih Charles Leclerc leh Lewis Hamilton te an thleng ve bawk. Audi driver Nico Hülkenberg chu intlansiak zawh dawn hnaihah buaina a tawk bawk a, German driver hian a tawp a khar thei lo.

Spanish GP neih a nih aṭanga kar khat an chawlh hnuah Azerbaijan GP an ṭan leh nghal dawn a, practice-ah hian nikuma Baku City Circuit-a hnehna changtu Verstappen chu pahnihna a ni a, pahnihna Russell a chak ve thung avangin ṭan hma hauhin boruak a nung nghal.

Chutihrualin Italian driver Antonelli a che ṭhaa, October 4-a neih tur Bahrain GP-ah a chet ṭhat chhunzawm bawk chuan October 11-a Singapore GP neih turah champion theihna chance a nei thei dawn.

Marina Bay Street Circuit (Singapore GP track)-ah Antonelli a champion a nih chuan intlansiak paruk la hmabak chungin a chak dawn tihna a ni.