Hornets-in Finney-Smith an chhuah

Charlotte Hornets chuan an power forward lak thar Dorian Finney-Smith chu Atlanta Hawks-ah an kaltir a, a aiah Buddy Hield leh Ryan Nembhard an chang ve thung.

Kum 33 mi Finney-Smith hi season hmasa khan Rockets tan a che ṭha tawk lo a, match 34 khelin match tinah point 3.3 chiah nei ang a ni. Heti chung hian Hornets chuan kumin July khan an la lut.

American power forward hi Hornets-ah thla hnih awm hman mah se a la inkhelh lo a, match khat pawh a khelh hmain Hawks-an an chhuahtir leh nghal a, Hornets hian an player duh lak nan an hmangah a ngaih theih.

Tun nipui chhungin Hornets-ah player lut leh chhuak an tam a, Hield leh Nembhard hma hian Naz Reid, Grayson Allen, Dennis Schroder, Royce O'Neale leh Hannes Steinbach te an la lut tawh a, draft aṭangin Christian Anderson Jr. an thlang chhuak bawk.

A chhuak lam pawh an ṭhahnem a, Finney-Smith hma hian an thiampuipa LaMeolo Ball chuan Minnesota Timberwolves a pan a, Tre Mann, Josh Green, Xavier Tillman, Tosan Evbuomwan leh Antonio Reeves te an chhuak bawk.

Eastern Conference club hi NBA-ah an la champion ngai lo a, kuminah player insiksawi a tam avangin hriatthiam an har hle. An che ṭha a nih chuan Charles Lee-a'n fak a hlawh ang a, a chet ṭhatpui lo a nih chuan dem a hlawh thung ang.